اغسلي شعرك بالطريقة الصحيحة

لازم تراعي إنك تغسلي شعرك مرتين في الأسبوع بالشامبو والبلسم المناسبين لنوع شعرك، وما تحاوليش تكتري أكتر من كده، وده علشان الدهون الموجودة في شعرك مش كلها دهون ضارة، لأ فيه منها دهون شعرك محتاجها وهي دي اللي بتغذي شعرك وتعتني بيه وبتمنع عنه الجفاف..
ويا سلام بقى لو مشيتي على الخطوات دي، وأنتي بتغسلي شعرك:

1. تغسلي شعرك بالميه الفاترة تحت الدش، وراسك مرفوعة في اتجاه جذور الشعر، وعلى فكرة الميه الفاترة
أنسب ميه لغسيل الشعر وده لأن الميه السخنة بتكون السبب في إن الشعر يفقد لمعانه وبريقه ودي
المشكلة اللي بتشتكي منها بنات كتير.

2. بعد كده بتجيبي الشامبو المناسب لنوع شعرك، وتضعي كمية قليلة منه في إيدكِ، وبعد كده تبليه بالميه
وتحطيه على قمة رأسك، وتبدئي بالفرك بلطف بأصابع يديك، وبلاش تستخدمي أظافر علشان ما تخدشيش
فروة الرس، وابدئي من الجهة الأمامية من شعرك وصولاً لرقبتك، وده بيكون تدليك لفروة راسك.

3. بعد كده اغسلي شعرك من الشامبو، وحطي البلسم الملطف على شعرك وسيبيه لمدة 5 دقائق على
شعرك، وبعد كده اغسليه جيداً بالميه الفاترة.

4. في النهاية اشطفي شعرك بالميه الباردة لأن الميه الباردة بتساعد على إغلاق مسام الشعر، وبالتالي
الحصول على لمعان أكتر للشعر، وممكن كمان إنك في النهاية تشطفي شعرك بشوية خل وده لأن الخل
بيساعد على التخلص من قشرة الشعر وبيدي للشعر لمعان.

تسلمي يا قمر
[ندعوك للتسجيل في المنتدى أو التعريف بنفسك لمعاينة هذه الصورة]