شعري حبيبي : سامحني

[ندعوك للتسجيل في المنتدى أو التعريف بنفسك لمعاينة هذه الصورة]

شعري حبيبي : سامحني [ندعوك للتسجيل في المنتدى أو التعريف بنفسك لمعاينة هذه الصورة]

مين فيكم عايزة تقول لشعرها كده؟؟؟

اكيد كتيييييييييييييير

لان فعلا شعرك هو ابنك اللي مخليفتيهوش [ندعوك للتسجيل في المنتدى أو التعريف بنفسك لمعاينة هذه الصورة]
متفقين؟؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]

ولازم تربيه كويس علشان يكبر بصحه وحيوية ويقدر يساعدك

يساعدك تكوني اجمل واحلى ده تاج جمالك تاج جمال اى بنت وطلنا عارفين كده

هترصعيه بالماس ولا الزجاج باللؤلؤ ولا البلاستيك
كل ما تهمليه كل ما هيطفش منك ويسيبك ويمشي [ندعوك للتسجيل في المنتدى أو التعريف بنفسك لمعاينة هذه الصورة]

لازم تدلعيه وتطبطبي عليه وتنيميه وتاكليه وتحميه وكل فترة تجيبيله لعبه جديده
ايوة بتكلم عن شعرك اللي هو زي ابنك زي ما اتفقنا [ندعوك للتسجيل في المنتدى أو التعريف بنفسك لمعاينة هذه الصورة]

اي حد عنده اعتراض؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]

المشكله ان نتيجة التربية الصحيحه مش بتظهر في يوم وليلة لا ده سنين طويلة
ده كائن حي يتغذى ويتنفس ويعيش ويتعايش ويقع ويتعور وبيموت كمان

علشان كده بنزهق ونطنشه لا وايه منتظرين منه يكبر ويتربى لوحده
منتظرين الصحه واحنا كل يوم نضربه علقه متينه بالمشط البلاستيك
والفرشه ام 2 جنيه ونص [ندعوك للتسجيل في المنتدى أو التعريف بنفسك لمعاينة هذه الصورة]

ونربطه في راسنا بمنتهى القسوة كانه هيجري ويروح لحد تاني

بس هو كده هيطفش من حبستك ليه

وبدل ما ندلعه ونغيرله جو نحرقه بالصبغه والهايلايت والفرد والكوى
ماهو مش بيتكلم ولا بيعيط
بس احنا اللي بنعيط في الاخر [ندعوك للتسجيل في المنتدى أو التعريف بنفسك لمعاينة هذه الصورة]

وعلشان الموضوع كده مش شهر ولا اتنين
عايزاكي تعتبري انك حامل في شعرك
وشوفي هتعملي ايه؟؟
اول حاجه الغذاء اكيد مش هتاكليه وهو في بطنك لا انت اللي هتاكلي كويس
اكلك العادي بس علشانه زودي طبق سلطه في كل وجبه(ميستاهلش؟؟؟)
حتى الريجيم مش هيتاثر
وفيتامينات طبعا امال يتولد ضعيف؟؟

لو انتى حامل حقيقي هتروحي للدكتور كل اسبوعين او شهر تعملي سونار
لكن حامل في شعرك سهله وانت في البيت حمام زيت جامد جدا من بتوع قسم الشعر

لو حامل حقيقي هتدهني بطنك كل يوم ببانثينول او زيت جنين القمح علشان الخطوط البيضا
وانت حامل في شعرك لازم بردو تدلكي الفروة يوميا حتى لو من غير حاجه شوفي مسكين ازاي؟؟
وهيكون ممتن جدا لحضرتك

وهكذا لغاية الولاده
هتولديه وترميه مع نفسه لا طبعا؟؟؟

التربيه الصحيحه مهمه جدا

ده تشبيه بسيط علشان اقربلكم الفكرة
انا مش عايزة ارصلكم معلومات

المعلومات كتييير وكلنا عارفينها المهم التنفيذ
انا عايزاكم تغيروا من طريقة التعامل مع الشعر
واحده واحده

يوم ورا يوم

الموضوع هيكون زي دورة تدريبيه وليست تعليميه فقط؟؟؟

كل يومين كده هحطلكم ف التوبيك ده ماسك مغذى للشعر وفوايده او طريقه حلوه ومفيده للاهتمام بالشعر ويبقى احسن لو نبقى جروب ونجرب كلنا ونقول النتايج كانت عامله ازاى ...
وكسل ممنوووووووع

.. والتوبيك ده ال هيضيف المعلومات مش انا بس
اى حد عارف حاجه او جربها يفيدنا بيها
وانا زى م قلتلكم كل يومين كده ولا حاجه هنزل فكره جديده

أول حاجه هنبدأ بيها هى ::

طريقة عمل حمام الزيت

اولا ::
سخني الزيت قبل وضعه علي الشعر وذلك بوضعه في اناء وضعي الاناء داخل اناء اخر فيه ماء مغلي مع التحريك كي لا نضع الزيت مباشرة علي النار

ثانيا::
يجب ان يكون الشعر نضيف

ثالثا::
ضعي اطراف اصابعك في الزيت ثم دلكي بها فروة الراس

رابعا ::
صبي مقدار من الزيت ملعة مثلا في وسط الراس ثم وزعي الزيت علي بقية الراس يعني الي كل منابت الشعر

خامسا::
قومي بتدليك الفروة من 5 الي 10 دقائق الي ان تشعرين بحرارة في فروة الراس علي ان يكون المساج من فوق الجمجمة ومن اعلي الرقبة وعلي الجانبين اعلي الاذنين

سادسا::
غطي شعرك بكيس ثم ضعي عليه فوطة سخنة لتساعد في تفتيح المسام ودخول الزيت للجذور

واخيراااااااااااااااااااااااااا اتركي الزيت علي شعرك ساعتين ثم اغسليه بشامبو

تحيـــــــــــــــــــــــــــاتى

الحلقه رقم 2

وهي عن تسريح الشعر بطريقه صحيه

لو مغسول

لازم ينشف تحت الفوطه ربع ساعه وبعدين تسرحيه من تحت لفوق بمشط واسع يعني تحت الاول وبعدين تطلعي شوية شويه علشان ميتقطعش
بلاش القسوة براحه عليه ده ضناكي
طبعا المشط الخشب ضروري جدا جدا جدا لو ناشف لكن لو مبلول ممكن جدا البلاستيك عادى مش فارقه

لكن لو مش مغسول وده اللي قصدي عليه

تسرحيه من تحت لفوق لو ملبك ولما يتسلك تسرحيه من فوق لتحت جزء جزء وبحنيه وحب براحه خالص لانك كده بتنقلي الزيوت المفيده جدا اللي بتفرزها فروة الراس لباقي شعرك وبتنشطي الدورة الدمويه في فروة الراس
وده يجعل نمو الشعر اسرع

تحياتى

أعملى زيت شعرك بنفسك(زيت جرجير-حلبه-زعتر-حبة البركه-قرفه) لتكون أكثر فائده

اظن شايفين المكونات ف بكده هيكون مفيد جداااااااا

زيت الحلبه
الطريقه هى

كوب حلبه

كوب ماء

كوب زيت زيتون

-----------------------------------
الطريقه :

نغلي الحلبه مع كوب الماء حتى يتبخر نصف الكوب ويتبقى النصف الاخر من الماء

نسكب زيت الزيتون ونترك الخليط يغلي حتى يتبخر باقي الماء ويتبقى الزيت فقط..

ولتتاكدي ان الماء تبخر ..

تسكبي الزيت في كوب واذا كان ناتج الزيت اكثر من كوب .. فهذا دليل على ان الزيت مخلوط في ماء الحلبه ويجب اعادة الزيت للغلي حتى يتبخر باقي الماء ويتبقى كوب زيت فقط ..

طبعا أتبعى نفس الطريقه فى الزعتر وحبه البركه والقرفه وغيره
ومش شرط زيت الزيتون ممكن زيت لوز او اى حاجه تانيه

طريقه عمل زيت الزيتون
يأخذ نصف كيلوا زيتون أخضر وتشق كل حبه اربعه ثم توضع في برطمان وضع عليه زيت نباتي وليكن دره (زيت عافيه)
حتي يغطي الزيتون ويحكم جيدا ويترك لمدة عشرة أيام بعدا سيصبح لون الزيت أخضر

زيت الجرجير
تقطعي حزمة جرجير كامله وما ترميش ولا شي منها يعني حتى بالجذور تقطعينهم وبعد كده
تحطينهم بالخلاط مع شوية ماء وتخلطيهم كويس
بعدين تصبيها في حله وفوقها نصف أزازه زيت العافيه
بتاع الاكل
وتتركينها لغايه ماتفور وتغلى كويس والمايه تقل وهتلاقى
الزيت خد لون الجرجير
وتبرد تقريا 3 او 4 ساعات بالقلييل وتصفيها
وخلاص تحفظيها بالثلاجه

طبعا ماينفعش تحطى الجرجير فى الزيت من غير
ماء لانها كده هتتقل وتنحرق ومايكونش نزلت خلاصتها

وأتبعى نفس الطريقه لعمل زيت البقدونس

وعندى فكره كمان

ممكن تشترى الزيت بتاعك عادى وتخليه مركز أكتر
وأكثر فايده يعنى ممكن تجيبى زيت حبه البركه وتغليه مع حبه البركه والماء
وبكده يكون مركز او زيت الحلبه ومعاه حلبه أو زيت الجرجير ومعاه الجرجير

الفكره طريقتها صعبه شويه وبصراحه انا م جربتهاش ف لو حد جربها يقولنا ع النتيجه

يلا مستنيه تطبيقاتكم

بسم الله الرحمن الرحيم

النصيحه التالته

تقصف الشعر ( ضناكي )

الاسباب علشان نتجنبها :

1- جفاف طارئ بساق الشعر أو أطراف الشعر نتيجة زيادة جفاف الجو أو ارتفاع درجة حرارته بنسبة كبيرة.

2- الانتقال من بيئة ذات جو عادي إلي جو حار.

3- غسل الشعر بنوع من الصابون القوي المزيل للدهون فيفقد الحد الأدنى من المواد الدهنية اللازمة لمرونته وقوة تحمله.

4- عدم العناية بشطف الشعر جيدا بالماء النقي بعد غسله بالصابون أو الشامبو.

5- ترك الشعر بدون غسيل مدد أكثر من اللازم فتتراكم الأتربة حول ساق الشعر فتسبب تقصفه.

6- كثرة غسل الشعر أكثر من المعدل الطبيعي مما يجعله يفقد المواد الدهنية والأملاح اللازمة لمرونته وحمايته .

7- تعريض الشعر لفترات طويلة تحت السيشوار حتى يصاب بالتيبس والجفاف.

8- سوء التغذية.

10- استخدام بنس الشعر

11- تجفيفه بالفوطه بعنف

12- تسريحه بعنف وشده

13- الصبغة والفرد والافراط في تجعيده

نيجي للمفيد

هتعرفي ازاي اذا كان ضناكي مقصف ولا لا؟؟؟؟

تمسكي شعرك من تحت لو لقيتي شعر مقسوم اتنين او اكتر يبقى مقصف

لو ملقتيش كده؟

امسكي شعرة واحده من جذورها لاطرافها وحسسي عيها بين صوابعك لو لقيتي فوق اتعم من تحت يبقى مقصف

99% مننا شعرهم هيطلع مقصف

نعمل ايه؟؟

اول حاجه نتجنب الاسباب
تاني حاجه المقص طبعا عند الكوافير او في البيت المهم فوق التقصيف ب 1 سم وتقصي

لازم لازم لازم

ليه؟؟

لان التقصيف بيزحف لاخر الشعرة وهيبوظها يعني هيبوظها يبقى لازم نقصه
علشان تحافظ على بقيته
الموضوع مش انه يطول بسرعه
لا يطول بصحه

مستنيه اشوف عملتو ايه؟؟؟؟؟

والنصيحه الخفيفه

غسل الشعر (ضناكي)

طريقة غسل الشعر

1-يجب تمشيطه قبل الغسل لازاله الاقذار والجلد الميت العالق بالشعر وفروة الراس التمشيط من الجذور للاطراف لو سالك والعكس لو ملبك وبعدين من الجذور للاطراف لما يتسلك

2- بللي الشعر جيدا ثم يوضع الشامبو على اليدين ويدك في اليدين ثم يوضع على فروة الراس مع التدليك الجيد وبرفق ثم يشطف ثم يجفف بالمنشفة بالضغط ثم يوضع حمام الكريم ويمشط بمشط واسع برفق ثم يشطف جيدا بماء دافيء ثم بارد لغلق المسام المفتوحة ثم ينشف بالفوطه بالضغط ويترك ليجف تحت الفوطه 10دقايق او ربع ساعه ثم يتم تسريحه برفق ويضع الكريم المرطب عند الحاجه

اذا كان شعرك يعاني من التساقط اعملي عصير الجرجير وضعيه عل شعرك بعد غسله وقبل حمام الكريم واتركيه عشر دقائق ثم اشطفيه

[ندعوك للتسجيل في المنتدى أو التعريف بنفسك لمعاينة هذه الصورة]

يا سلام على المواضيع
رائع يا اشرف
تسلم ايدك على نصائحك الجميله
وحلولك الاجمل
ميـــــــــــــــــرسى