حكاوى القهاوى

المشاركات : 8 العمر : 37 تاريخ التسجيل : 24/09/2010

دائما وعند اشتراكي في كل منتدي او اي منتدي
و عند اكتمال التسجيل اذهب لقراءه القوانين
ليس لشيء لا سمح الله
و لكن لاري كيفيه سير الامور بالمنتدي
و طريقه تفكير القائمين عليه و اهدافهم
و هو من اهم الاسباب التي جعلتني اشترك بمنتدي رائع
و جميل و سباق و المحترم
مثل منتدى
نيوفورايجى
لذا اوجه كلمه شكر لجميع اعضاء المنتدى من اعضاء ومشرفين واداريين
على مساهمتهم في رقي هذا المنتدى الذي يضم كوكبه راائعه من الاعضاء المميزين
راجين من الله ان يتواصل العطاء والنشااط من المنتدى والاعضاء
احب اعرفكم بنفسى
جيفارا
وكان ليا اقتراح
اننا نعمل ]قسم اسمة حكاوى القهاوى

بيتناول مواضيعة كانك فى قهوة مع اصحابك
[ندعوك للتسجيل في المنتدى أو التعريف بنفسك لمعاينة هذه الصورة]

على القهاوى قاعدين نقول حكاوى

ناس كتيره على القهاوى ،
قاعدين يقولوا حكاوى.
مش سايبين حد فى حاله ،
فى رايحه وجايه يتكلموا على حاله.
قال ايه دا زيدان اللى هربان،
من سجن اللومان،
مراته سابته ورايحه تجوز جارهم
عم حسن الغلبان.
ودى بنت الافندى محمود،
بنت الحسن والاصول
اللى متعلمه علم محدود،
يا دوب يتفك الخط لافندى محمود.
قال ايه ماشيه مع غريب،
ابن الحج صاحب البيت ،
قدام الناس ومافيش حاجه اسمها عيب..
حكاوى للناس على سيره الناس على القهاوى...

مستعجب شباب كتيره،
قاعدين اللى منهم بيتسلوا فى السيره،
واللى منهم بيلعب كوتشينه،
واللى منهم ماسك شيشه ،
والكل فى عالم غير العالم
،بيبصوا لبعض كانهم فى سيما ..
قطعوا التذاكر وقاعدين يلعبوا قال ايه الجوكر،
يلعبوا عشره وتانى عشره اللى هيخسر عليه الشاريب ،
لاقيت واحد جنبى طلب شاى بحليب ،
لابس بدله باين عليه نابيه،
قاعد يقرا جرنال قولت الحمد الله لسه فى القهوه مثقفين...
لاقيت ناس كتيره اتلفت حوليه،
قاعد يقولهم قال ايه حواديت،
يا عينى الناس كانهم فى مستشفى المجانين ...

ناس كتيره عجوزه،
قاعدين يشربوا الجوزه،
ولا سالين فى البيت،
ولا فى ام العروسه،
والباقى قاعدين قدام التليفزيون
بيتفرجوا على هيفا،
فى الفيديو كليب ،
قاعدين يازازوا اللب..
ولاعارفين هما فين،
وفاتت عليهم سنين،
وهما زى ما هما مساكين.....

تحس عنوان بيتهم اتغير،
وبقى على القهوه.
كل اللى عايزهم يجى،
ويسال فين القهوه.
وانا تايه،
ولا عارف ايه اللى بيحصلهم دا من ايه...
رجال وشباب ،
والمصيبه العيال الصغار،
قاعدين فى القهوه كانهم كبار،
بينادوا على حسنين،
يجيبلهم شيشه وحجرين،
وانا مستغرب وبقول فى ايه......
على طول روحت ،
لمعلم صاحب القهوه اسمه حسين،
قولته ايه يا عم اللى بتعمله،دا قالى بعمل ايه،
خلى العيال بيقوا رجاله،
قولته رجاله بشيشه وحجرين ؟؟
ودا حكايه من حكاوى القهاوى.........

اه اكيد كل واحد مهنم جواه حكايه،
من حكاوى القهاوى.
فاكر لما يجى،ويقعد فيها ينسى،
ومش هينسى لانه جواه بلاوى.
نفسى كل واحد منهم يفكر فى مستقبله
علشان يقدر ينسى البلاوى.
وانا قلبى بيبكى عليهم،
وعلى نظرات الياس اللى فى عينيهم،
ولا عارف اعملهم حاجه،
ولا قادر اشيل عنهم حتى لو حكايه من الحكاوى

انشاء الله تلقى فكرتى استحسان الادارة

فوتكم بالعافية

مممممم
هي فكره حلوه
بس اظن ان قسم النقاشات يحل محله
وشكرا ليك
واهلا بيك في ابلمنتدي
دمت بود

المشاركات : 8 العمر : 37 تاريخ التسجيل : 24/09/2010

شكرا لك اخى العزيز
لكن هناك اختلاف فى طريقة تناول المواضيع

المشاركات : 88182 تاريخ التسجيل : 18/10/2008

اشكرك يا جيفارا على الفكره الجميله
تسلم ايدك يا جميل
وبالنسبه للفكره هيتم دراسه الامور ان شاء الله
ولو ربنا كرم ممكن نعملها بس باسلوب مختلف شويه
عمتا القائم بمقام الفكره قسم النقاشات
وميرسي ليك يا جميل على محاوله الارتقاء بالمنتدى
[ندعوك للتسجيل في المنتدى أو التعريف بنفسك لمعاينة هذه الصورة]

الله ع الجمال

بجد الفكرة عجبتنى

وكفاية العنوان ... حلو ومثير ويلفت الانتباه

بس هى الفكرة عايزة تظبيط عشان المواضيع ويبقى الكل عارف يتعامل معاها ازاى

وتسلم افكارك ياجميل

ميرسى ليك